சியோமி நிறுவனம் தற்போது புதிய சியோமி மி10 யூத் எடிஷன் 5ஜி மாடலை சீனாவில் அறிமுகம் செய்துள்ளது. இந்த ஸ்மார்ட்போன் குறித்த விவரங்களை தற்போது பார்க்கலாம்.
இந்திய மதிப்பில் விலை விவரங்கள்:
- சியோமி மி10 யூத் எடிஷன் 5ஜி ஸ்மார்ட்போனின் 6ஜிபி ரேம் மற்றும் 64ஜிபி மெமரி கொண்ட வகையின் விலை- ரூ.22,630
- 6ஜிபி ரேம் மற்றும் 128ஜிபி மெமரி கொண்ட வகையின் விலை- ரூ.24,800
- 8ஜிபி ரேம் மற்றும் 128ஜிபி மெமரி கொண்ட வகையின் விலை- ரூ.27,000
- 8ஜிபி ரேம் மற்றும் 256ஜிபி மெமரி கொண்ட வகையின்
விலை- ரூ.30,150
சியோமி மி10 யூத் எடிஷன் ஸ்மார்ட்போன் தற்போது 6.57 இன்ச் முழு எச்டி பிளஸ் AMOLED வாட்டர் டிராப் டிஸ்பிளேவினையும், மேலும் 1080 x 2400 பிக்சல்கள் தீர்மானம் கொண்டதாகஉள்ளது.
மேலும் பாதுகாப்பு அம்சத்தினைப் பொறுத்தவரை இந்த ஸ்மார்ட்போன் ஆனது கார்னிங் கொரில்லா கிளாஸ் 5 பாதுகாப்பு ஆதரவினைக் கொண்டுள்ளது. இந்த ஸ்மார்ட்போன் 2.4ஜிகாஹெர்ட்ஸ் ஆக்டோ-கோர் குவால்காம் ஸ்னாப்டிராகன் 765ஜி சிப்செட் கொண்டுள்ளது.
மேலும் இது ஆண்ட்ராய்டு 10 உடன் MIUI 11 ஆதரவினைக் கொண்டு இயங்கும் தன்மை கொண்டுள்ளது. இந்த சியோமி மி10 யூத் எடிஷன் ஸ்மார்ட்போன் ஆனது 6ஜிபி/8ஜிபி ரேம் மற்றும் 64ஜிபி/128ஜிபி/256ஜிபி உள்ளடக்க மெமரி வசதியினைக் கொண்டுள்ளது.
மேலும் கூடுதலாக மெமரி நீட்டிப்பு ஆதரவினைக் கொண்டுள்ளது, இந்த ஸ்மார்ட்போன் இன்-டிஸ்பிளே கைரேகை சென்சார் வசதியினைக் கொண்டதாகவும் உள்ளது.
கேமராவினைப் பொறுத்தவரை இந்த ஸ்மார்ட்போன் பின்புறத்தில் 48எம்பி பிரைமரி சென்சார், 120° அல்ட்ரா வைடு ஆங்கிள் லென்ஸ், 8எம்பி டெலிபோட்டோ லென்ஸ், மேக்ரோ லென்ஸ் போன்றவற்றினைக் கொண்டுள்ளது.
மேலும் முன்புறத்தில் 16எம்பி செல்பீ கேமராவினைக் கொண்டுள்ளது. இணைப்பு ஆதரவினைப் பொறுத்தவரை இது 5 ஜி எஸ்ஏ/ என்எஸ்ஏ / இரட்டை 4 ஜி வோல்டிஇ, வைஃபை 802.11 ஏசி, ப்ளூடூத் 5, ஜிபிஎஸ் /க்ளோனாஸ் / பீடோ, என்எப்சி, யூ.எஸ்.பி டைப்-சி மற்றும் 3.5 மிமீ ஆடியோ ஜாக் போன்றவற்றினைக் கொண்டுள்ளது.
அதேபோல் இந்த ஸ்மார்ட்போன் 4160எம்ஏஎச் பேட்டரி கொண்டு சக்தியூட்டுவதாய் உள்ளது.