Apps

வாட்ஸ்ஆப்பில் உள்ள பாதுகாப்பு ஓட்டை குறித்து எச்சரிக்கை!!

பிரபல மெசேஜிங் தளமான வாட்ஸ்ஆப்பில் ஒரு பயனர்களின் பாதுகாப்பை பாதிக்கக்கூடிய குறைபாடு ஒன்று இருப்பது கண்டறியப்பட்டுள்ளது. இந்த பாதுகாப்பு ஓட்டையின் வழியாக நீங்கள் அனுப்பும் மெசேஜை மற்றொருவரால் ஹேக் செய்து கையாள முடியும். 


அதாவது நீங்கள் அனுப்பும் எந்தவொரு மெஸேஜையும் ஹேக்கர்களால் “இடைமறிக்க” முடியும் மற்றும் அனுப்புநரின் அடையாளம் (அதாவது உங்களின் அடையாளம்) உட்பட டெக்ஸ்ட் மெசேஜில் உள்ள உள்ளடக்கத்தை கூட மாற்ற முடியும். 


வாட்ஸ்ஆப்பில் உள்ள இந்த குறைபாட்டை (அல்லது பாதிப்பு) இஸ்ரேலிய இணைய பாதுகாப்பு நிறுவனமான Check Point Research மூலம் கண்டுபிடிக்கப்பட்டு மற்றும் ஒரு செய்தி வெளியீடு மூலம் இது தெரிய வந்துள்ளது. 

வாட்ஸ்ஆப்பில் உள்ள பாதுகாப்பு ஓட்டை குறித்து எச்சரிக்கை!!



இந்த பாதுகாப்பு ஓட்டையின் கீழ், ஒரு ஹேக்கரால் எப்படி உங்களின் வாட்ஸ்ஆப் மெசேஜ்களை கையாள முடியும், எப்படி அதை மாற்றியமைக்க முடியும் என்பதை விளக்கும் செயல்முறை வீடியோ ஒன்றையும், செக் பாயிண்ட் ரிசர்ச் நிறுவனம் வெளியிட்டுள்ளது. 


இந்த பாதுகாப்பு குறைபாட்டின் மூலம், ஹேக்கர்களால் மிகவும் எளிதான முறையின் கீழ், தவறான தகவல்களை உருவாக்கி பரப்பலாம் மற்றும் அது நம்பக்கூடிய ஆதாரங்களிலில் இருந்து வந்ததைப் போல தோன்றும் என்பதால் அவைகள் தீயாக பரவும் என்பதிலும் சந்தேகம் வேண்டாம். 

செக் பாயிண்ட் நிறுவனத்தினால், வாட்ஸ்ஆப்பில் இருந்து வெளிச்செல்லும் மெசேஜை கைப்பற்றி அதை டிக்ரிப்ட் செய்ய முடிந்ததுள்ளது. பின்னர் அந்த மெசேஜின் உள்ளடக்கங்களை மாற்றி, அதை மீண்டும் முன்னோக்கி அனுப்பும்படி என்க்ரிப்ட் செய்ய முடிந்துள்ளது. 


ஃபோர்ப்ஸ் அறிக்கையின்படி, இந்த “பாதுகாப்பு ஓட்டை” குறித்து வாட்ஸ்ஆப் நிறுவனத்திற்கு தகவல் அளித்துள்ளதாக செக் பாயிண்ட் ரிசர்ச் நிறுவனம் கூறியுள்ளது. மேலும் “இந்த குறைபாடு ஓரளவு சரி செய்யப்பட்டது என்றாலும் கூட, மற்ற பிரச்சினைகளையும் விரைவில் தீர்க்க வேண்டும்” என்றும் செக் பாயிண்ட் கூறியுள்ளது. 

Related posts

சொமேட்டோவின் ‘இனிஃபினிட்டி டைனிங்’ திட்டம் அறிமுகம்!

TechNews Tamil

பிரேசிலில் அறிமுகமாகியுள்ள வாட்ஸ் ஆப்பின் பேமண்ட் சேவை!!

TechNews Tamil

இண்டர்நெட் வேண்டாம்.. ஈசியா பண பரிமாற்றம் செய்ய உதவும் லாவா பே சேவை!

TechNews Tamil