Apps

கூகுள் மேப்பில் வரவுள்ள ஆக்மென்டட் ரியாலிட்டி!

நாம் எந்த இடத்தில் இருக்கிறோம், எந்த திசையில் செல்ல வேண்டும் என்பதை முப்பரிமாணத்தில் வழியைக் காட்டும் தொழில்நுட்பம் கூகுள் மேப்பில் புதிய அப்டேட் கொண்டு வரப்படுகிறது. 


கூகுள் மேப் பயன்படுத்தி, ஒரு குறிப்பிட்ட இடத்துக்குச் செல்ல வேண்டும் என்றால், நீல நிறத்தில் சாலை வழி பாதையைக் காட்டும். நடந்து செல்பவர்களாக இருந்தால் அதற்கு ஏற்றவாறு சந்து பொந்து வழிபாதைகளையும் கூகுள் மேப் காட்டும். 

இந்த நிலையில், தற்போது கூகுள் மேப்பில் புதிய அப்டேட் கொண்டு வரப்படுகிறது. அதன்படி, நமக்கு எதிரே உள்ளவற்றை போனில் பார்த்தவாறே கூகுள் மேப்பில் வழிகாட்டப்படும். இதற்கு ஆக்மென்டட் ரியாலிட்டி (Augmented Reality – AR) என்று பெயர். விர்ச்சுவல் ரியாலிட்டி போன்று ஆக்மென்டட் ரியாலிட்டி செயல்படும். 

கூகுள் மேப்பில் வரவுள்ள ஆக்மென்டட் ரியாலிட்டி!

விர்ச்சுவல் ரியாலிட்டி என்பது முழுக்க முழுக்க கிராபிக்ஸ் தொழில்நுட்பத்துடன் முப்பரிமாணத்தில் கிடைக்கும் காட்சி. அதுவே, ஆக்மென்டட் ரியாலிட்டியில், நேரலையாக இருக்கும் காட்சியில், கூடுதலாக கிராபிக்ஸ் காட்சிகள் சேர்க்கப்படுவதாகவும். இப்போது கூகுள் மேப்பில் ஆக்மென்டட் ரியாலிட்டி தான் கொண்டு வரப்படுகிறது. 

உதாரணத்திற்கு, சாலையில் செல்லும் போது எதிரே வரும் கடைகள், மக்கள், வண்டிகள் எல்லாம் கேமரா மூலம் போனில் தெரியும். அதுகூடவே, கூகுள் மேப் திசையும் அனிமேஷனில் காட்டப்படும். நேராக செல்ல வேண்டும் என்றால் மேல்நோக்கிய அம்புகுறி முப்பரிமாணத்தில் தெரியும். அதுவே வலது இடது புறத்தில் திரும்ப வேண்டுமென்றால், அந்த அம்புக்குறி அப்படியே குறிப்பிட்ட திசையில் மாறும். 


நாம் செல்ல வேண்டிய குறிப்பிட்ட இடம் வந்த உடன், சிவப்பு அம்புக்குறியில் அந்த இடம் ஹைலைட் செய்யப்படும். இந்த வசதி அடுத்த வாரத்திற்குள்ளாக கொண்டு வரப்படும் என்று எதிர்பார்க்கப்படுகிறது. காரில் செல்வோர், பைக்கில் செல்வோருக்கு இது மிகவும் பயனுள்ளதாக இருக்கும். 

Related posts

இத்தனை அம்சங்களைக் கொண்டதா கூகுள் லைவ் ரிலே!

TechNews Tamil

பாஸ்டேக் அக்கௌண்ட்டினை UPIஐ பயன்படுத்தி Google Pay இல் ரீசார்ஜ் செய்யலாம்!

TechNews Tamil

வெய்ட்டிங் ரூம், அழைப்புகளை ஷெட்யூல் செய்யும் வசதி என கலக்கும் ஜியோ மீட் சேவை!!

TechNews Tamil