Apps

மாற்றப்படவுள்ள வாட்ஸ்ஆப்பின் பெயர்!

பிரபல மெசேஜிங் தளமான வாட்ஸ்ஆப் மற்றும் புகைப்படம், வீடியோ பகிர்விற்கான வலைப்பின்னலான இன்ஸ்டாகிராம் ஆகிய இரண்டு ஆப்ஸ்களின் பெயர்கள் ஆனது கூடிய விரைவில் மாற்றப்படவுள்ளதாக பேஸ்புக் நிறுவனம் அறிவித்துள்ளது. 


பேஸ்புக் நிறுவனம் கடந்த 2012 ஆம் ஆண்டில் இன்ஸ்டாகிராமை வாங்கியதும், பின் 2014 ஆம் ஆண்டில் வாட்ஸ்ஆப்பை வாங்கியதும் இங்கு குறிப்பிடத்தக்கது. 


நிகழ்த்தப்படவுள்ள இந்த பெயர் மாற்றமானது, மூன்று ஆப்ஸ்களையும் (பேஸ்புக், வாட்ஸ்ஆப் மற்றும் இன்ஸ்டாகிராம்) ஒன்றாக இணைத்து பேஸ்புக் பேனரின் கீழ் கொண்டுவருவதற்கான ஒரு பகுதியாகும். 

மாற்றப்படவுள்ள வாட்ஸ்ஆப்பின் பெயர்!

பேஸ்புக் நிறுவனமானது வாட்ஸ்ஆப் மற்றும் இன்ஸ்டாகிராம் ஆகிய இரண்டையும் வாங்கியதிலிருந்து, அவைகள் பெரும்பாலும் தனித்து இயங்குவதற்கான உரிமைகளை கொடுத்து வந்தது.

அதாவது வாட்ஸ்ஆப் மற்றும் இன்ஸ்டாகிராம் ஆகிய இரண்டுமே பேஸ்புக்கிற்கு சொந்தமான ஆப்ஸ்கள் என்கிற வெளிப்படையான பிராண்டிங்கை உள்ளடக்கமாக கொண்டிருக்கவில்லை. பெயர் மாற்றம் செய்யவதின் மூலம், இந்த இரண்டு ஆப்ஸ்களை பயன்படுத்தும் எவருக்கும், இவைகள் ஒன்றுடன் ஒன்று இணைக்கப்பட்டுள்ளது என்பதும், இவைகள் பேஸ்புக் நிறுவனத்துடையது என்பதும் எளிமையாக புரியவரும். 


மாற்றம் காணும் வாட்ஸ்ஆப் மற்றும் இன்ஸ்டாகிராமின் பெயர்கள் ஆனது பேஸ்புக்கின் உள் வர்த்தகத்தில் மட்டுமின்றி, கூகுள் பிளே மற்றும் ஆப் ஸ்டோரிலும் கூட புதிய பெயரின் கீழ் தான் தோன்றும். இருந்தாலும் கூட, ஸ்மார்ட்போனின் ஹோம் ஸ்க்ரீனில் காட்சிப்படும் ஆப் பெயரில் எந்த மாற்றமும் இருக்காது.

மாறாக நீங்கள் அதை திறக்கும்போது புதிய பெயர் தோன்றும். “பேஸ்புக்கின் ஒரு பகுதியாக இருக்கும் தயாரிப்புகள் மற்றும் சேவைகள் ஆனது மிகவும் தெளிவாக இருக்க வேண்டும்” என்பதற்காகவே இந்த முடிவை எடுத்ததாக பேஸ்புக் நிறுவனம் தெரிவித்துள்ளது. தற்போது வரையிலாக புதிய பெயர்களை பற்றிய வார்த்தைகள் எதுவும் இல்லை. 

Related posts

CamScanner ஆப் கூகுள் ப்ளே ஸ்டோரிலிருந்து நீக்கம்!

TechNews Tamil

டிக் டாக் செயலிக்குப் போட்டியாக Zee5 செயலி!!

TechNews Tamil

கிரெடிட் கார்ட், லோன் பெற அப்டேட் ஆகிறது சாம்சங் பே-ஆப்

TechNews Tamil