Mobile

48MP கேமிரா ஸ்மார்ட் போன் உடன் வெளியான மோட்டோரோலா ஒன் ஸூம்

மோட்டோரோலா நிறுவனத்தின் Motorola One Zoom ஸ்மார்ட்போனின் அம்சங்கள் மற்றும் புகைப்படங்கள் லீக் ஆகியுள்ளது. வெளியான தகவல் மற்றும் புகைப்படத்தின் படி, இந்த ஸ்மார்ட்போன் அதன் பின்பக்கத்தில் 48MP கேமராவை கொண்டிருக்கும். 


முன்னதாக மோட்டோரோலா ஒன் ஸூம் ஸ்மார்ட்போனில் க்வாட் ரியர் கேமரா அமைப்பு இடம்பெறும் என்று வின்ஃபியூச்சர் அறிக்கை தெரிவித்திருந்தது இங்கே குறிப்பிடத்தக்கது. 

இதன் நான்கு கேமரா அமைப்பின் முதன்மை கேமராவாவாக 48 மெகாபிக்சல் ஆக இருக்கும், இது பிரகாசம் மற்றும் வண்ணங்களை மேம்படுத்துவதற்கான நான்கு பிக்சல்களுடன் இணைக்கப்பட்டு இருக்கும்.


வெளியான அறிக்கையானது மோட்டோரோலா ஒன் ஸூம் ஸ்மார்ட்போனின் புகைப்படங்களையும் பகிர்ந்துள்ளது. அதன் வழியாக, அனைத்து பக்கங்களிலும் குறைந்தபட்ச பெஸல்களை கொண்ட ஒரு வாட்டர் டிராப்-ஸ்டைல் நாட்ச் அப் வடிவமைப்பை காணமுடிகிறது.

48MP கேமிரா ஸ்மார்ட் போன் உடன் வெளியான மோட்டோரோலா ஒன் ஸூம்

எதிர்பார்க்கப்படும் அம்சங்களை பொறுத்தவரை, மோட்டோரோலா ஒன் ஸூம், 6.2 அங்குல முழு எச்டி+ சூப்பர் AMOLED டிஸ்ப்ளே, 21: 9 என்கிற அளவிலான திரை விகிதம் கொண்டிருக்கலாம். இது 3.5 மிமீ ஆடியோ ஜாக், யூ.எஸ்.பி டைப்-சி போர்ட் போன்ற இணைப்பு ஆதரவுகளுடன் ஒரு பெரிய பேட்டரியின் கீழ் சக்தியூட்டப்படலாம்.

இன்-டிஸ்ப்ளே கைரேகை சென்சாரை கொண்டுள்ள மோட்டோரோலா ஒன் ஸூம் ஆனது நிகழப்போகும் IFA 2019-க்கு பிறகு தொடங்கப்படும் என்று எதிர்பார்க்கப்படுகிறது. விலை நிர்ணயத்தை பொறுத்தவரை, இது 429 யூரோவிற்கு (தோராயமாக ரூ.34,000/-க்கு) அறிமுகம் ஆகலாம். 

மோட்டோரோலா நிறுவனம் One Action என்கிற ஸ்மார்ட்போன் ஒன்றின் மீது பணியாற்றி வருவதும், அது பின்பக்கத்தில் ட்ரிபிள் கேமரா அமைப்பு மற்றும் கைரேகை சென்சார், பன்ச்-ஹோல் டிஸ்பிளே போன்ற அம்சங்களை கொண்டு வெளியாகும் என்று வதந்திக்கப்படுகிறது என்பதும் குறிப்பிடத்தக்கது. 

Related posts

விறுவிறுப்பாக நடைபெற்றுவரும் கேலக்ஸி நோட் 10 லைட் ஸ்மார்ட்போனுக்கான முன்பதிவு!!

TechNews Tamil

ஜனவரி 7 ஆம் தேதி களமிறங்கும் ரியல்மி எக்ஸ்50!!

TechNews Tamil

அறிமுகமானது ப்ளேஸிங் ப்ளூ வண்ணத்தில் ஒப்போ எப்15 ஸ்மார்ட்போன்!!

TechNews Tamil