Apps

வெறும் 10MB அளவில் ஆப்லைனில் இயங்கும் கூகுள் கேலரி ஆப் அறிமுகம்!

கூகுள் நிறுவனம் புதிதாக Gallery Go எனும் Lightweight மற்றும் Offline photos ஆப் ஒன்றை அறிமுகம் செய்துள்ளது. இதன் பயன்கள் மற்றும் அம்சங்களை விளக்கும் தொகுப்பே இது. 

Google For Nigeria எனும் நிகழ்வில் Gallery Go எனும் ஆப் அறிமுகம் செய்யப்பட்டுள்ளது. இந்த ஆப்பிற்கு அதிவேக இன்டர்நெட், கிளவுட் பேக்அப் போன்ற எதுவும் தேவையில்லை. எனவே, இன்டர்நெட் இல்லாதவர்கள் கூட கேலரி கோ ஆப்பை பயன்படுத்த முடியும். மேலும், Gallery Go ஆப் ஆனது Google Photos-ன் பெரும்பாலான அம்சங்களை பயனர்களுக்கு அளிக்குமென்று கூகுள் அறிவித்துள்ளது. 

வெறும் 10MB அளவில் ஆப்லைனில் இயங்கும் கூகுள் கேலரி ஆப் அறிமுகம்!


அறிமுகமாகியுள்ள Gallery Go ஆப் ஆனது பயனர்களின் புகைப்படங்களை ஆட்டோமெட்டிக்காக ஒழுங்குப்படுத்துகிறது. மேலும், புகைப்பட மேம்படுத்தல்களுக்கான Auto-Enhance மற்றும் Filter உள்ளிட்ட வசதிகளையும் பயனர்களுக்கு வழங்குகிறது. 

உங்கள் புகைப்படங்களை தானாகவே ஒழுங்கமைக்கும் இந்த கேலரி கோ ஆப்பின் மற்றொரு சிறப்பு, அதன் Size ஆகும், இது வெறும் 10MB அளவு கொண்டதாக இருக்கிறது. ஆக இதை பதிவிறக்கம் செய்ய உங்கள் ஸ்மார்ட்போனில் பெரிய அளவிலான இடம் தேவைப்படாது. 

பயனாளர்கள் இதனை கூகுள் ப்ளே ஸ்டோரில் இருந்து பதிவிறக்கம் செய்து கொள்ளலாம். மேலும் இது ஆண்ட்ராய்டு 8.1 ஓரியோ அல்லது அதற்கு மேற்பட்ட ஓஎஸ் கொண்டு இயங்கும் எல்லா ஸ்மார்ட்போன்களுடன் இணக்கமானதாக இருக்கிறது.

கூடிய விரைவில் நைஜீரியாவில் அறிமுகம் செய்யப்படவுள்ள Itel S 15 மற்றும் குறிப்பட்ட A55 ஸ்மார்ட்போன்களில் இந்த Gallery Go ஆப் ஏற்கனவே இன்ஸ்ட்டால் செய்யப்பட்டிருக்கும் என்றும் அறிவிக்கப்பட்டுள்ளது. 


Related posts

ட்ரூ காலர் மீது அதிருப்தியில் வாடிக்கையாளர்கள்!!

TechNews Tamil

பொருளாதார ரீதியாக சரிவினை சந்திக்கும் ஃபேஸ்புக்

TechNews Tamil

5 கோடி பேர் பதிவிறக்கம் செய்துள்ள ஆரோக்கிய சேது செயலி!!

TechNews Tamil