Gadgets

சியோமியின் ‘சூப்பர் பாஸ்’ வயர்லெஸ் ஹெட்போன் அறிமுகம்!!

சியோமி நிறுவனம் தனது Mi  ‘சூப்பர் பாஸ்’ வயர்லெஸ் ஹெட்போனை  இன்று இந்தியாவில் அறிமுகப்படுத்தியுள்ளது. 1,799 ரூபாய் என்ற விலையில் அறிமுகமாகியுள்ள இந்த வயர்லெஸ் ஹெட்போன், சியோமியின் மலிவு விலை சாதனங்கள் பட்டியலில் இணைந்துள்ளது. அமேசான் நிறுவனத்தின் ப்ரைம் டே விற்பனையன்று அறிமுகமாகியுள்ள இந்த ஹெட்போன், அமேசான் ப்ரைம் டே சேலில் விற்பனையும் ஆகவுள்ளது. அமேசான் நிறுவனம், இந்த விற்பனையில் ஆயிரக்கணக்கான தயாரிப்புகளில் இந்த மலிவு விலை வயர்லெஸ் ஹெட்போனும் ஒன்று. 

சிவப்பு-கருப்பு மற்றும் சிவப்பு-தங்கம் என இரு வண்ணங்களில் அறிமுகமாகியுள்ள இந்த ஹெட்போனை, அமேசான் மற்றும் Mi தளங்களில் பெற்றுக்கொள்ளலாம்.

சியோமியின் 'சூப்பர் பாஸ்' வயர்லெஸ் ஹெட்போன் அறிமுகம்!!

ஒரு முறை முழுவதுமாக சார்ஜ் செய்தால், 20 மணி நேரம் வரை நீடிக்கும் பேட்டரி அளவை கொண்டுள்ளது, இந்த ‘சூப்பர் பாஸ்’ வயர்லெஸ் ஹெட்போன். மேலும், 40mm டைனமிக் டிரைவர் மற்றும் ப்ளூடூத் v5.0 தொடர்பையும் கொண்டுள்ளது இந்த ஹெட்போன். அதுமட்டுமின்றி, உங்கள் ஸ்மார்ட்போனில் உள்ள வாய்ஸ் அசிஸ்டன்ட் வசதியை இந்த ஹெட்போன் மூலம் நேரடியாக செயல்படுத்திக்கொள்ளலாம். 

இந்த ஹெட்போனை சார்ஜ் செய்துகொள்ள மைக்ரோ-USB போர்ட் வழங்கப்பட்டுள்ளது. அதுமட்டுமின்றி சார்ஜ் இல்லாத நேரங்களில், இந்த ஹெட்போனை சாதாரன ஹெட்போன் போலவும் பயன்படுத்திக்கொள்ளலாம். அவ்வாறு,  ஸ்மார்ட்போன்களில் இணைத்துக்கொள்ள 3.5mm சாக்கெட்டும் இந்த ஹெட்போனுடன் வழங்கப்பட்டுள்ளது..

இந்த ஹெட்போன், தற்போது சந்தையிலுள்ள போட் ராக்கர்ஸ் 400 (Boat Rockerz 400) மற்றும் ஏன்ட் ஆடியோ ட்ரிபில் 900 (Ant Audio Treble 900) ஆகிய மலிவு விலை வயர்லெஸ் ஹெட்போன்களுக்கு போட்டியாக அறிமுகப்படுத்தப்பட்டுள்ளது.

இந்த ஹெட்போனுடன் 4,999 ரூபாய் மதிப்பில் Mi சவுண்ட்பாரையும் சியோமி நிறுவனம் அறிமுகம் செய்துள்ளது.

Related posts

ரூ. 41,999 என்ற விலையில் விற்பனைக்கு வந்துள்ள நோக்கியா ஸ்மார்ட் டிவி!!

TechNews Tamil

ஆன்லைன் மற்றும் அமர்வு முறைகளில் ஆப்பிள் 2020 டெவலப்பர்கள் நிகழ்வு!

TechNews Tamil

அறிமுகமாகியுள்ள பிஸ்டன் ஃபிட் வயர்லெஸ் ப்ளூடூத் இயர்போன்ஸ்

TechNews Tamil